Tuesday, October 17, 2006

قبل الفاصل


هل نكتب أقدارنا أم نستسلم لها؟ سؤال قديم لم أستطع الافلات من حصاره مؤخرا، ليس لأننى أجهل إجابته، أو لأن هناك مستجدات تجبرنى على اعادة طرحه. أو... المؤكد أنه سؤال محكوم بالعجز والقصور وممزوج بالحزن والوجع خاصة عند لحظة الالحاح التى تظل تنهش بقسوة و....
مرة أخرى كتابة كئيبة تدفعنى للسؤال هل حصلت فعلا على صفة "الكآبة" بنجاح منقطع النظير ومع مرتبة الشرف أيضا ؟ وهل يعنى ذلك أننى مصابة بلذة تعذيب الذات وصلت بى الى حد إستجداء عطفكم و إبتزاز مشاعركم كما حدث فى البوست السابق ؟

سؤال اجبارى لم أستطع الفكاك منه خاصة بعدما امتدت يدى لكتابات سبقته أكدت لى كلها أننى دخلت فعلا النفق المظلم وبجدارة لا أحسد عليها

المؤكد أننى لم أعمد غزل الحزن (لاأبرر) ولا خططت لإبتزاز مشاعركم التى أحاطتنى بحب، ولملمة كثير من الجراح، ولكننى لا أكتب إلا مشحونه بالكتابة وما يخرج عنى ليس إلا تعبيرا صادقا عما بداخلى ، وفيما يبدو وكما قلت سابقا بات الحزن وطنى الذى أسكنه قهرا لا عمدا، خاصة وأن هذا العام كان فعلا أسوأ أعوام حياتى وعلى كافة المستويات ، وما تلقيته من صدمات وصفعات كان فوق الإحتمال أوالتخيل، وللأسف كان غبائى هو السبب فى أحيان كثيرة ..... أقول قولى هذا و أعتذر لكم جميعا عما سببته من إزعاج لم أتعمده، و أعدكم بألا أطل عليكم مجددا مالم أغتسل وأطهرثوبى من كل ماعلق به من شوائب ، مالم أمتلك أبجدية جديدة ألغى فيها ذاكرة الحزن، أتحرر فيها من سلطة القهر ومجمل قوانين "الهبل",,,, آملة أن ينتزع مشرط الطبيب كل مابداخلى من وجع نفسى وعضوى و.... فيكو تنسوا؟؟؟؟

**********************

تحديث

تسكننى فيروز واسكنها
معها يستقيم النص
غنتنى وغنيتها

وستحكى لكم عنى


28 comments:

غادة الكاميليا said...

فينا نحبك
.........
فيكي تسامحى؟؟؟
.........
السبب مش انتى السبب ان اللي حوالينا ساعات كتير بيخطأوا في معاملتنا وانتى كتير غلطوا في التعامل معاكي
المهم انك هترجعي تقفي معانا بكرة أو بعده أكي

true love said...

فيكي تصدقي !
يا عزيزتي .. فيكي تصدقي أنك مش أول واحدة تهزمها الاحزان والأمراض في هذه الحياة ؟
مش معقول ابدا كل هذه الروح الانهزاميةوالتشاؤمية في البوستين الاخيرين
انا شخصيا كان عندي مرض دخت عليه مع الاطباء وناس قالت لي ورم حميد وناس قالت ورم خبيث وكنت عايش في دور ميت وباودع الدنيا والحمد لله الدنيا حلوة وشغاله
طبعا انت بعد الشر عنك (من منظر صورة المريضة الي نشرتيها) مش زي حالاتي وغالبا عندك انفلونزا - مش الطيور - أو مرض دلع الهوانم ، ويارب تكوني بخير
انا بس عايزك تخفي لغة الفلسفة في البوست بتاعك وترجعي تتحفينا بموضوعاتك الشيقة

حنيـــــــن said...

فيكى ترجعى ؟

فيكى تستسلمى " لأوامر الطبيب والراحه والتوقف على التفكير " ؟

فيكى تقاومى " المرض واليأس والانهزاميه دى ؟

فيكى تبقى بس انتى حتى لو ده بيتعب الدنيا كلها وبيرهقها معاكى وبيتعبك قبلهم ؟

مش عاوزه اجاوب على اسئلتك ولو انى بجد حابه اتكلم معاكى

يا حبيبتى الحياه هى كل الحاجات
هى الاختيار والجبر
والفرح والحزن
والسند والخذلان

وعمرها ماكانت متوازنه ابدا
الفكره كلها فى استمتاعنا احنا بالعطاء وتلذذنا بيه لاقصى الدرجات

وصدقينى لو الشريط رجع من تانى هافيش حاجه ها تتغير

انتى مش كئيبه ولا سعيده بتعذيب الذات " ما أظنش " بس انتى بتمرى بمنعطف خطير وبتحاولى تتشبثى باى طوق نجاه ويمكن تكون الاطواق حواليكى كتير بس انتى عاوزه طوق بذاته ولو ماجاش تبقى مالهاش معنى الحياه

من فضلك تسحبى وعدك الاخير بعد الاطلال علينا مالم مش عارفه ايه ....؟
من فضلك طمنينا

ولو ينفع تسمحى لاى حد انه يبقى جنبك انا هايسعدنى بجد

ربنا يشفيكى

tota said...

العزيزة بعدك على بالى
اذا تصورت لحظة ان مشاركة احزانك هى نوع من الاستجداء اذن فانت مخطأة جدا
التدوينات حريتك الشخصية فى التعبير عن كل ما ترغبين
المعلقين لهم حرية التعليق من عدمه فانا لست مجبرة او غيرى ان نتشارك مع اى من لحظات حياتك
بالعكس نحن الذين نفرض عليك وجودنا فى مدونتك ونحن بكامل ارادتنا نشارك بعضنا كل الحالات اى ان كانت سعيدة او حزينة

نحن دققنا عليك باب حزنك متعمدين ان نخرجك من درب الظلام وتأكدى ان اى منا لا يرغب فى وجودك هناك
ولا انت ترغبين فى ذلك ولكن لا تمانعى ابدا حين تحتاجين الى من يمد يده ليرافق يدك فى طريق الخروج فهذا ليس تفضل بل هو مشاركة متبادلة لمليون يد امتدت لكل منا قبل ذلك
هى الحياه وهى المشاركة وهى الانسانية الطبيعية جدا برغم مساوئ المجتمع ولكنها من اصول هذا الشعب

هاتى ايدك بقى وتعالى معايا

تحياتى

Epitaph said...

what is a blog then for God' sake if you won't write every bit of feeling however depressing , distressing...or whatever you think it of!!! 'cause when you are over whatever you're feeling..you'd look back at your archives.see your posts and look at them as a chain of your journey towards re-exploring yourself!!

you'd say here..I was truly sad..whereas here..I started to be strong..this point is the climax... this one is the resolution!! yes YOUR blog is the novel of your life..a plot..with exposition ..and a climax... ( but the reslution won't come but with the last breath of life after long long time insha Allah) ..بعد عمر طويل ان شاء الله

yes..you are writing your endless novel...going from one plot till another successfully...moving with climax and anti-climax..and going back..and resloution..

your life is like a play-within - a play... you'd direct the smaller play.. but the bigger one will go on..till your last breath!!


see the analogy, hun??

and all of those who stopped by here,,and wished to be beside you at this very moment..do this out of their true love and pure feelings towards you..for they always wanna see you the cheerful active beautiful butterfly that hovers over our blogs..scattering love and care as you always did to us!

your worst year it was you said, right?? isn't having new friends and a very beautiful blog a sole redeeming point then during this gloomy year as you called it?! but who said it is the only thing..I am sure it was not that bad..if you'd contemplate a bit ..and look back..I am sure you'd find sparkles of love and candles of hope that enlighten your path..!!

dunno, for me..I just miss my friend now..and I want her back as soon as possible.. please..tell her that epi misses her..and wants her to hug her..and cry again before her..and laugh along with her..!! please..tell her that..and that epi is waiting for her to go to the club together :D... she promised me once..and she has to fulfill it now!! :))) insha Allah!!

انا رغاية اوي... طولت عليكي

a beautiful rose for the most beautiful butterfly :)),, the strong gemini!! :D

أحمــــــــدبــــــــــلال said...

هو يعنى لازمة البلوج أيه ألا أنك تتكلمى فى اللى أنتى عاوزاه بحرية و أنطلاق
و بعدين دى حرية منك أنك تنشرى مشاعرك
لذا لا تكتميها
و ماتطوليش الغيبة

مصريون بلا حدود said...

لا احد فينا يستطيع ان يعلم مدى احزانك لذلك كل منيا سيقول ما يهواه بقدر ما يفهم
لكن استطيع ان المس ان الجرح كبير وليت كل الجروح جسدية اذا لكنا تعذبنا قليلا مايهمش او ناخد مخدر لكن للاسف جروحنا لا يخدرها افيون العالم واه من جرح الزمن وجراح الايام فراق حبيب يمزع القلب الى نصفين وخذلان قريب يهوي بك اسفل الارض وخيانة صديق تقسم ظهرك
ان عافيتموني من جراح الايام اضمن لكم ان اقاوم كل مشارط الاطباء
وابك او لا تبك فلكل نصيبه وارضي او لا ترضي فهذه اقدارنا لم نكتبها وليس لنا ان نعترض عليها
وفي كل الاحوال يجب ان نحيا ونكمل حياتنا
الدواء الوحيد هو
الايمان
ولو كنا لا نعرف شيئا عن غد
فلما نتصور انه اسوأ
قد نكون في ابتلاء
واذا ما اجتزناه ورضينا
يعوضنا ربنا خيرا
اصبري صبرا جميلا
لا اعرف ديانتك
ولكن تعلمت في ديني روحانيات كثيرة
منها
ايات تقول
الم نشرح لك صدرك
....
ان مع العسر يسرا
دائما ياتي اليسر بعد ان تضيق الدنيا
انا عن نفسي تعودت ان افرح كلما اشتد الخناق حول رقبتي
اذ اعلم
ان الفرج قريب
راسليني كي اعطيك رقمي
انتي في حاجه للتواصل
ايميلي في البلوج بتاعي لو بتحبي
ارق امنياتي بالسعااااااده

H Y M N S said...

هذا العام .. هو الاسوأ عندي ايضاً . اللهم لا تشائم
في قولي ان ما سيأتي هو أسوأ منه : ))
و كما قلت ايضاً أن " الخسائر " ولود ودود بارة بأبنائها " اللي هما احنا "
و بـ دمعة ساخرة مستفزة !
أقول كما قال الأعلون .." رسولنا المُبتلى العظيم "
" الدنيا سجن المؤمن و جنة الكافر "

خليها ع ربنا .. و ابتسمي ! : )

rokaaa said...

انا كل اللى عايز أقوله ان انتى تحمدى ربنا سبحانه وتعالى على كل شئ حلو او وحش, لأن الحياه مش هتفضل ورديه على طول ولا هتفضل كئيبه على طول , الانسان الشاطر هو اللى يتعلم ويستفاد من مشاكله
الخبطه اللى مش تموت بتقوى
ودا مش معناه ان انتى زى ما قولتى تنسى الاحزان وتحولى تغيرى قاموس كلامك
لا طبعا الواحد مش هيقدر ابدا ينسى ذكرياته الجميله اللى راحت منه
بس يحاول ديما يفكر لبكره , علشان لو فضلنا نفكر فى اللى راح عمرنا ما هنتقدم ابدا
روكى

shaimaa said...

طيب يعنى لما كراكيب تقولى انا بحب بعدك على بالى ... ونفسى تبقى قريبة منى اوى
و لما الست حنين تدخل تشقر عليكى وتقولك الكلام الجميل ده
وروكا كمان

بعد على بالى
الدنيا كده .. على رأى عدوية حبة فوق وحبه تحت


وبعدين ازاى تقولى انك مش هتيجى تانى
بصى يا بعدك على بالى
لو الحياة دى هنعيشها لوحدينا مش بيبقى ليها اى لزمة

ولوعشناها مع ناس مش فاهمنا ولا احنا عاوزين نزعلهم بتبقى قاسية اوى

فما بالك بقى بالمدونات
اللى عملت روح ونفس حلو لكل الناس
ناس بيكلموكى من غير ذواق

عارفة اى تعليق من حد تعرفيه شخصيا هتحسى اذا كان جاد ولا مجرد مجاملة
لكن اى تعليق من حد متعرفوش بيبقى صادق وانت متاكده انه صادق

شفتى الناس اللى فوق دول كلهم صادقين ازاى ؟ وبيحبوكى ازاى ؟؟

ميمفعش تقولى انا هاسكت
لان السكات قاتل جدا
ربنا هيسير لك الحال وتبقى اجمل

تحياتى ليكى

مجدى سرحان said...

كمان بتؤول فيروز يا لمضه
عطيت المحبه للناس
زهًرت بإيدى

مش كده برضه

تعرفى تكتبى عن قانون
الغمر
حجم الجسم المغمور يساوى حجم السائل المزاح

انتى عارفه طبعا اكتر منى
إن اللى انتى حابه تعمليه
بكل جماله
وتعبه
مينفعش يتعمل فى الهوا

بتدحكى؟
طيب تيجى
سامعه
؟
وافتكرى إن مشرطك
أوعى بكتير من مشرط الطبيب

تأديرى
وودى

حــلم said...

عارفة انك هترجعى

صفحتك بقت بيضا

والوردتين الحمر بيحسسونى ان فيه شوية تفاؤل

هيبقوا كتير

مستنياكى

حائر في دنيا الله said...

أقدارنا التي نستسلم لها هي التي تكتبنا كما تشاء وتخط بيديها على قلوبنا خطوطاً سوداء وأخرى بيضاء
وتتمادى لتضع لنا في النهاية (.)نقطة او فلوستوب لتنهي كلامها
...
أرى الجبل كبير ولا احب من يخاف منه لأنني رأيت من وقف عليه
.....
هل سمعت فيروز يوماً تنشد سوف أحيا
ياريت لو تسمعيها قبل الأكل وبعده :)

cast2way said...

انا مش جاى علشان اواسيك
انا جاى لاخبرك انك اكثر من رايتها تجيد مواساة نفسها باروع ما يكون على الاطلاق
وهذا ليس جلدا للذات بمعناه الحرفى وانما هو ارتفاع بالمشاعر لان الحزن هو مقبرة المشاعر اذا ذاقه الانسان عرف به ما لا يعرف بغيره
ولكن لا يتسنى الى الانسان ان يظل به كثيرا حتى لا ينسى الشعور بغيره
ونعم انت حصلتى على تقدير استاذة مع مرتبة الشرف فى وصف المشاعر والاحاسيس لهذه الفترة من الزمن

ولو ان الدهر باقى لرايت ما يصنع الناس بما تقولى

والسلام.

أحمــــــــدبــــــــــلال said...

تحديث

فيروز تقتلنى
أعشقها

بعدك على بالى said...

غادة

احيانا تقف اللغة عاجزة عن الكلام وانتى اكثر ادراكا بحجم الوجع والتعب...

بك ومعك سأعود ...

دمتم لى نعن الاخت والصديقة والابنه





true love

كل نفس قابله للكسر بحجم الوجع والالم، وانا (فيك تصدق) حاولت كثيرا ان انتصر على هزائمى المتكررة، ولكن كان الجرح اكبر من قدرتى على الصمود، لم يهتز ايمانى ولكننى فقدت الرغبه فى الحياة ولا اعرف كيف استعيدها، احاول ولكننى افشل ليس عند ضعف ايمان.. يقتلنى هذا التصور

ادعى لى

بعدك على بالى said...

حنين ..

رغم انه أول تماس واقعى بيننا فى هذا العالم الافتراضى، إلا إنك قرأت كثير مما بداخلى وببراعة قد يحسدك عليها من يعيشون حوولى ومعى ولم يكتشفوا ما بداخلى..

انا اجتهد فى الصمود، ولا اعرف الى اين ستذهب بى تلك المحاوله... ادعى لى

سعيدة بزيرتى الاولى والتى اتمنى الا تكون الاخرة بفعل الكآبة





توته الجميلة .. اسما وفعلا

ما اكثر ازماتى وما اكثر حرصك على احتوائى,,,اعلم ان الحياة مشاركة وبصدق اريد ان اقبض على يدك .. كم ارتاح لها و أأتنس بها


دمتى لى ... وخالص محبتى

بعدك على بالى said...

ابيتاف

كعادتك دائما الاكثر تفاؤلا، الاكثر قدرة على لملمة الاحزان.. كلماتك تشعل الامل دائما.. كم احتاجها

ادعى لى وكونى الى جوارى دائما



أحمد بلال

التدوين هو مساحة الحرية الوحيدة التى امتلكها ولكننى شعرت مؤخرا انها باتت عبء يحاصرنى ويحول دون تحررى .. ولاننى لا احب ان ازعج احدا معى لذا قررت الانسحاب بهدوء ... غير ان كلماتكم فعلا شجعتنى كثيرا على الصمود وربما العودة أيضا....




مصريون بلا حدود

فعلا ان مع العسر يسرا
ان مع العسر يسرا

اشكرك على المشاركة والمساندة الصادقة

خالص تحياتى





h y m n s

والله مخلياها على ربنا ... مالناش غيره،

ادعى لى وكونى الى جوارى دائما





rokaa

لحظات الياس احيانا بتكون اكبر من قدرتنا عل التحمل ,, و.. اعدك بالصمود

تحياتى لك


shaimaa

فعلا الدنيا من غير ناس ماتنداس، والاحتواء هو اكثر ما احتاجه فعلا وجداااااااااااا

كونى معى

خالص مودتى

ادم المصري said...

لا اجد ما اقول

الناس قالت كتيييييييييير بصراحة

بعدك على بالى said...

حلم الجميلة

وجودك وحرصك = التفاؤل وهو ما احتاجه، فكونى الى جوارى..




صديقى الحائر فى دنيا الله
سأنفذ الوصية .... ادعى لى

واحد من الناس said...

احساس جميل
بكره عيد ميلادى
ويا ريت تزورينى

voice of love said...

وحشتينى
دعواتى وقلبى وروحى معاكى
مستنياكى ترجعى

Violena said...

وكيف ستتطهرين من أحزانك إلا بأبجدية تنتهين فيها من مخزون الحزن لديك؟

ابتسمى عزيزتى فأنت لا تدركين من يحب ابتسامتك
أما عن الحزن .. فقد صار له نصيبا كبيرا فى حياتنا .. وبصرف النظر عن أسبابه فدعينا نتعايش معه


أراكِ جميلة .. فكونى أجمل بقوتك واصرارك على تخطى هذا الحاجز

MAKSOFA said...

سلامتك ياغاليه
وربنا ينجيك من كل شر
ويحفظك من كل سوء
معلش كلنا بنتعرض للأوجاع والآلام
لكنك قويه فوق كل الصعاب
ان شاء الله
وصدقيني موش انت بس
اللي في الحاله دي ربنا بس وحده اللي يعلم
مافي قلوب البشر
ومره تانيه
اقول لك حمدا لله علي سلامتك

Sampateek said...

اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
تحياتي

واحد من الناس said...

احكى وقولى اللى عندك ماهو لازم هيكون هناك حد حابب انه يسمعك يسمع بكاكى وغناكى وانشاء الله هتبقى زى الفل

بعدك على بالى said...

آدم المصرى

احساسك قال اللى ماقلتوش بلسانك

مودتى




cast2way

أشكرك



مجدى سرحان

لااعرف ايهما اكثر ايلاما مشرطى ام مشرط الطبيب
تحياتى وشكرا على المساندة


أحمد بلال مرة أخرى

فيروز أنا أيضا تقتلنى عشقا
تحياتى



واحد من الناس

كل سنة وانت طيب مرة هنا وكمان هناك


صوت الحب

بدعواتك و مساحات التواصل بيننا حتما سأعود

وحشتينى



فيولينا

وانا اراك الاجمل والاروع احساسا وصدقا

اسعدتنى زيارتك جدااا


مكسوفة

اعلم ان لدى كل منا همومه واحزانه، و انتم السابقون ,,, عفى الله عنك وعنا بحق هذه الايام



كلبوزة

كل سنة وانت طيبة

تحياتى

افلام اون لاين said...

مشكووووووووووووووووووور