Wednesday, August 02, 2006

كلينكس



لزمن طويل إستسلمت لفكرة أننى طيارة ورق يتقاذفها القدر حينا والبشر أحيانا، وفى كل الحالات أقف عاجزة عن المقاومة.. قهرا.. سهوا.. عجزا .. لا أدرى ..
الأن حينما أتامل ماتبقى من غبار أيامى أكتشف أن الطيارة تحولت لمنديل "كلينكس" وفقا لمنظومة التحول .. كل مهمته التعامل مع النفايات والأوساخ ومجمل عالم القذارة ، ليس عليه أن يحتج فما يمارسه مهمة قومية لا مجال للتخاذل أو التراجع عنها .. يعزف إيقاعا ربما غير إنسانيا ولكنه هام وحيوى.....
يمسح الدموع ولكنه ممنوع من البكاء.. من الاحتجاج ..من الألم..
"الرقة" و"الحنية" وسائلة فى التعبير والتواصل مع الجميع ولكنها معه ممنوعة من الصرف أوالتداول... بإختصار مجرد "شىء" نستخدمه ثم نتخلص منه عند أقرب سلة مهملات....

" لم جروحى..لملم روحى المنسية..."

"التر تيب المنتظم للكلمات ، أو التماثل الإعرابى لتركيب الجمل .. ميلوديا العبارة و.. ماقد ينشأ من توتر بين النبض الإيقاعى وطراز التركيب النحوى و.... صدمتنى العبارات وفذلكة التكوين ومواضع الاستخدام ،..أغلقت التلفزيون.. كان لابد من الاحتجاج على هذا التعايش القهرى مع تلك الفذلكة مجاملة لصديق دخل بإرادته تلك المنظومة الغبية من النقاشات....

" كلامى .. عصافير مقصوصة الجناحين
بتقع وتقوم ..
مقطومة بين شريانى وبين طرف لسانى "

"أريد أن أستريح، على أى حجر (بفتح الحاء) أو كتف ... لم أعد أعبء... فقط أوقفى الأرض عن الدوران فلقد تعبت ... أما آن لى ان أستريح..." كانت تصرخ وكالعادة لم استطع إيقاف ثورتها، ومجددا كان على "الكلينكس" إمتصاص كل مابداخلها من جراح و ألم .. آه ..أنا أيضا تعبت ...، انا ايضا لم أحفظ خط تراجعى ..

" أنا ملح الاراضين السبعة
انا جرح الاراضين السبعة
انا طرح الألوان السبعة
تايهة خطواتى فى خطايايا
ولاغاية ولا عنوان"
( النص لسيد حجاب... بتصرف )

36 comments:

Mamdouh Dorrah said...

انا عارفك
و حافظ انكسار المر ف عنيكي
جميلة ضحكة المكسور
و ترنيمة حياة مبللولة بالأحزان

lastknight said...

قد يشتكى النبع السلسال من كثرة عطائه .. يسقى .. يروى .. ينبت الحياه ..ولا يرويه أحد أذا عانى من العطش و الجفاف .. لا يشعر به أحد أذا اشتاق .. لكنه دوما .. سيظل النبع السلسال .. نعمه لكل من حوله
سيدتى .. أحيانا نحتاج لبعض الراحه ..أسميه بالتعبير العسكرى مناورة خندقه .. أى دخول الخندق .. لا يعنى هذا الأنسحاب .. ابدا .. لكن مجرد الأنزواء فى مكان جغرافى و لزمن معقول للحصول على بعض الراحه لا أكثر .. ثم مواصلة المعركه بعدها
مدونتك عميقه و رقيقه و راقيه
شرفينى بزيارة مدونتى .. و بانتظار تعليقاتك

غادة الكاميليا said...

أنا كتبت كذا مرة وأرجع أمسح اللي كتبته بصراحه مش عارفه أقولك إيه لكن معترضه على كورتكس
دي أصعب ضحكه ضحكة المكسور
أقولك
ينفع كتفي أو حضني تستريحي فيه؟؟
تماسكي يا حبيبتي ياريتني جمبك

saso said...

لحظات انكسارنا اكتر وقت بنبقي صادقين تايهين يمكن بس صادقين
الحزن بيعدي بس بنفضل فاكرين لما نفرح يوم ما كنا مكسورين

حائر في دنيا الله said...

صديقتي
الأنهار العظيمة هي من تحب استقبال الأحزان دوماً وباشتياق لها إن غابت
والأمهات العظام هن من يحملن هموم أبنائهن فوق همومهن وهن يبكين
إنه قدر العظماء أن يحملوا همين
ويكونوا كما قلتي "كلينكس" في يدنا ونسمح به دمع غيرنا
مع تحياتي واحترامي

غادة الكاميليا said...

ليكي عندي هديه في البلوج بتاعي

طبيب نفسي said...

العزيزة بعدك علي بالي

للأوراق حالات عديدة، وللقلم البوح. باق علي زمن الكتابة شارع وحديقتان، وصبابة تلتف في ورق يطيره الصغار والخطي تعويذة للعابرين.

وها أنت تحتوي جسر التمدد لكل حدائق العمر في ضمادة أضلعك والنهر المكتوب فوق غمامة العمر ، حين تضمين أشرعة القناديل .. إنتصاف الماء . وخطي المسافة .....
راية مغزولة من مهجة الفجر.

مودتي

Epitaph said...

مش عارفة ليه اني كنت حاسة في الفترة الاخيرة
انك مش علي عادتك
وان فيه حاجة مضيقاكي
والله زي ما بقولك
برغم ان معرفتنا قصيرة
ولا اعرفك علي ارض الواقع
لكن والله كأني شعرت بيكي

انتي جميلة اوي
و قوية جدا
ادي لقوتك مساحة للانطلاق
لتقوي من عزمك
زتشد من ازرك
وتمسح دمعك

انتزعي الضحكة من الدنيا
غصب عن الجميع
ارسمي ابتسامتك
ولو علي حساب الاخرين

ولا تنتظري الغد
بل اسع اليه
واخطفيه
:)
بجد
بحبك

MAKSOFA said...

واللة انت جهنمية ، الفكرة جميلة جدا وأستطعت التعبير عما يجول بنفسي أنا الأخري بطريقة تكاد تلامس أعماقي ، أسمحي لي أن أعبر عن أعجابي الشديد بقلمك الذي تنفردين بة عن كافة مدونات النساء التي يمكن متابعتها ، ولك كل الأحترام والتقدير

أحمــــــــدبــــــــــلال said...

بكل أحترام و تقدير
أشير ألى قلمك (أو لوحة مفاتيحك بالأصح)لأنكى ملكتى على عقلى بتلك القطعة ياللروعة لقد أشرتى بكلماتك الى مشاعرى فى هذه الايام بالذات بلا أدنى أبتذال أو تعقيد

شكراً
و ألف شكر

Mamdouh Dorrah said...

ف قلبك انتصار الروح
و معني التوهة و الاحلام
أغاني الفرح و الوحدة
و شمساية جميل متردد الرحلة

Mamdouh Dorrah said...

طل و سألني
إذا نيسان دق الباب
خبيت وشي
و طار البيت في و غاب
حبيت افتحله
ع الحب اشرحله
طليت ما لقيت غير الورد عند البيت
بعدك علي بالي
ياقمر الحلوين
يا سهرة تشرين
يا دهبي الغالي
بعدك علي بالي
يا حلو يا مغرور
يا حبأ و منطور
علي سطحي العالي

tota said...

رقيقة انت حين تصفين الضعف
كلنا نحتاج الى كلينكس ولكن ليس الورقة التى نلقيها
نحتاج الى من يستوعب الامنا واحزاننا افراحنا وانكسارنا دموعنا وهفواتنا
ولكن تمهلى ليس كل من يعطيك كتفه يستحق انت تضعى رأسك عليه
فقط تذكرى ان تختارى شجرة وارفة قديمة احببتها ولك فيها ذكريات يوم كانت ظلك وحضنك ودفئك ومؤواك وقلبك

جميلة انت حين تلمسين بكلماتك اوتار الاحزان فنعزف كلنا من اجلك لحن رقيق
مع خالص تحياتى

ادم المصري said...

هه
كم انتي جميلة
حتي عندما تبكين

Ahmed Shokeir said...

يااااه كل ده

قسوة جامدة جدا في التعبير عن حالة الضعف
بس تعرفي الحياة بدون الكلينكس ده بتكون مهيأه لمزيد من الأمراض وسرعة انتشارها

من عيوب الكلينكس كما قلتي بالإضافة إلى ان نهايته سلة المهملات وانه استعمال مرة واحدة
أيضا رخيص الثمن ويمكن إقتراضه بسهولة وإقراضه ايضا بسهولة

فلاتكوني كالكلينكس فالنهاية سوداء ولكن استعمليه


بوست هايل

Ahmed Shokeir said...

آه معلش ملحوظة على السريع

منالتعليقات باين إن الحالة متفشية والجميع يعيش حالة الكلينكس

أمال مين بأه اللي بيتمسح له ؟

Epitaph said...

I Feel like you're facing kind of crisis...that may affect your self- confidence and you may lose power..! do NOT surrender...! these are illusions..even if you can see the crisis before your eyes,,Face it,,,overcome it!

Trust the power within! help yourself to fly away..Cling to the lovely things!

Do Not wait for a better day! BUT create one for yourself!!

I believe in you! I know you have this inner strength..I know you can use it..I know you can throw your spells for a better life,,you'd turn your own misery to a happy smile..you'd let the tears water hope rather than despair!!! Believe in yourself!

Show us the STRONG woman! the unbendable human! the Lovely creature! Use your charms, talents and skills...to get over it!!

Resort to God, All Mighty! Complain to him!

Have a company that you love around you!

and always remember..do NOT wait for a better day to visit you...YOU create that day!!!

carpe diem..my lovely friend!!

الغـــــــــــــريب said...

سيدتى
نافورة العطاء داخلك لن تتوقف
لا تحجميها أتركيها تنبثق فى كل أتجاه
فـفيها راحتك .فراحتك أن تكونى ملاذ للأخرين ، أكتبى وعبرى فمساحات الكتابه تريح النفس وتخفف الألم

صادقة مشاعرك رائعة كلماتك ومفرداتك اللغويه ، لتعبيراتك وقع خاص فى نفسى
ياترى من أنت ؟
أخوك الغريب

تمر حنه said...

غاليتى بعدك على بالى
لما الغريب القريب شد لى تلغراف انك متضايقة قطعت الغاغة اللى أنا فيها و جيتلك جرى
أسكنى عالغاغة يا أختى و عالم اييييييييه لا على بالها و انت بس اللى شاغله بالك !!ا
بصى يا حبيبتى - كونك تقدرى تبقى ورقة كلينكس لسه قادرة تمتص دمعة ده فى حد ذاته متعة - صدقينى
ولا ناقصة دموع - وسفر و رجوع
جدتى زمان كات لما تشوفنى متضايقة تقولى اضربيها رجل جحش -
مانساش أول مرة دخلت عالم البلوجرز كنتى انتى و فهرنهايت مناديلى اللى مسحت دمعتى - شفتى دلوقتى كام منديل على خدك؟

Epitaph said...

بصي يا ستي الوصفة السحرية دي

هاتي سنفرة للوش
واعملي ماسك عسل
واسترخي

طلعي اشيك طقم
لونه فرايحي كدة
البسي الاكسسوارات بتاعتك

خدي عصير فريش

اسمعي اغنية فرايحي في البيت او العربية او حتي اغنية هابطة من بتوع الميكروبصات

احجزي سينما - سيتي ستارز مثلا
ادخلي فيلم ظاظا
اضحكيلك شوية

اطلعي علي سينابون
اشربيلك حاجة
relaaaaaaaaaaaaaaax

شغلي بعدك علي بالي لفيروز
روحي البيت
افتحي التكييف او المروحة ولا الشباك
طلعي صور الطفولة ليكي و لابنك و كل الذكريات الحلوة

شاور دافي

ناااااااااامي

بصي انا كل شوية حاجي هنا واكتبلك وصفة لوزعية الا ان تنتهي الازمة
وترجعلنا ست الكل الرقيقة الجميلة

فيفضل انك تفرحي كدة بدل الوصفات العجيبة المدمرة لاقوي ميزانيات العالم بتاعتي دي

بقولك ايه
ايه رأيك في وقت الاكتئاب اللي في الجو ده
نرجع التاج القديم
بتاع ايه الحاجات اللي تخليك سعيد
تيجي نعمله سوا بلا سينابون و لا بتاع
؟؟؟؟

حاجي المرة الجاية الاقيك مبتسم كدة يا قمر
انا ح اروح اكتب الحاجات السعيدة
عشان اول ما حلاقيهم
ح اعرف ازاي ابقي سعيدة
:) وانتي كمان يا قمر
بحبك

msafa said...

اتكلمت على كمية الاحبط اللى موجوده جوه الواحد
قالت ليال
لابد من فسحة امل
ومره تانيه خليك شديد وقوى
طب ادونى دليل واحد على كل الحاجات دى اللى هى الامل
وشديد وقوى
ازااااااااااى ؟

voice of love said...

الله عليكى
مفرداتك رائعة

lastknight said...

ألى epitaoh
اشمعنى تديها هى كتالوج تفصيلى لعلاج الأحباط و أنا تقوليلى كلمتين بس .. ؟
ألى الرقيقه الراقيه .. بعدك على بالى أعتقد جفت الدموع .. و حلت الأبتسامه .. و هنيأ لك بأصدقائك و أحبائك .. ماتكسليش بقى .ز عاوزين موضوع تانى بسرعه .. و طبعا رائع كالعاده

كلمه said...

comment met2a5ar ..bas post mo3aber elteneen...كلينكس" وفقا لمنظومة التحول .. كل مهمته التعامل مع النفايات والأوساخ ومجمل عالم القذارة ، ليس عليه أن يحتج فما يمارسه مهمة قومية لا مجال للتخاذل أو التراجع عنها .. يعزف إيقاعا ربما غير إنسانيا ولكنه هام وحيوى
ele7bat kan (beboz)men been elklam

Epitaph said...

:) بكرة تشوفوا الجميلة بعدك علي بالي وهي اللي بتنصحنا كلنا كدة ازاي نطلع من الاكتئاب
ده انتي شمعتنا
اخبار ماسك العسل ايه؟
:)

أُكتب بالرصاص said...

حلوة التعبيرات
بس شامم ريحة اكتئاب وفايوم وبتاع ده

هو في ايه ؟

shoowbash said...

تايهة خطواتى فى خطايايا


جامد اوي المعني ده

كليوباترا said...

مش هقول أكتر من اللى اتقال لانه فيه الكفايه
كفايه جدا تلاقى حد تشتكيله وفى نفس الوقت بيهون عليكى
دى نعمه والله ياريت تقدرى تحافظى عليها
افتكرى ناس محدش بيعبرهم زى اختك
وعلى راى الفنان القدير جدا جدا شعبان عبد الرحيم(بس خلاص ). وسلامى ليكى

true love said...

أنا قلت لك من قبل أنه مشروع كاتبة كبيرة وأني اتطلع تكتبي لنا شوية سيناريوهات أفلام بدل العبط والزبالة الي بنشوفها اليومين دول ، بس بجد رسالتك "كلينكس" تدل علي موهبة أكبر ..
نيجي للمواجع .. عايز أقول لك أنك قوية ومش ضعيفة وده واضح جدا فيكي والعكس هو الصحيح فيمن تمتصين أنتي دموعهم لأنهم سريعو البكاء وسريعوا القاء مشاكلهم علي أول من يرون قويا بجانبهم ليشكون له ، أما أنت فقوتك في تحملك لهم وأنتي أكثر منهم شوي ولا تجدي من يجفف دموعك أو يعوضك الحنين والعاطفة .
صدقيني الكثيرين حاسين بيكي بس نعمل ايه في قلوبنا الي بترمرمر والي بتئن من مشكلات الدنيا العديدة .. اثبتي وعايز اقول لك فعلا أني اعرف نماذج زيك كثير بس للاسف ضعاف وليسوا أقوياء مثلك .
true love

زبادي said...

بعدك علي بالي الأغنية و بعدك علي بالي المدونة الاتنين بقوا حتة واحدة يعني لما باسمع الأغنية بافتكرك وافتكر كلامك ولما بادخل عندك بتلاقيني با دندن بالأغنية

إطلعي من الحالة دي مش عارف إزاي بس أنا لما بكون كدة باروح احلق شعري واخد حمام .. ماعرفش معاكي الطريقة دي ح تبقي ازاي هااا
تحياتي

ayman_elgendy said...

متأخراً كعادتي ....متردداً

متفرداً بكآبتي ...متفرداً بعنائي

كوني جرحاً...كوني ملحاً ....كوني طرحاً

أتعبتي..؟؟...ليتني أملك مدن الحكايا

أنا مثلكي تائها في أرض المرايا


مودتي

451 فهرنهايت said...

جئت متأخرا بعد - ماشاء الله - 31 تعليق ...انما اعتقد ملحوقة

أن يكون المرء كلينكس الاّخرين في رأيي فخ مزري ..فالانسان الذي يحاول التمرد على هذا الدور يفشل لسببين
الأول : أن الناس اعتادت منه الاحتواء وتجفيف الدموع كما تعتاد العطاء من صاحب العطاء فيرون هبته حقا طبيعيا لاجدال فيه ولايجوز التمرد عليه

الثاني : الشخص نفسه والقائم بدور الكلينكس لايشعر بنفس حالة الرضا اذا ماترك مقعده وتبادل الأماكن ... بل أنه قد يخشى البكاء على أعتاب الاّخرين ويحولهم هم الى مناديل أخرى (عادة لأن ردود أفعالهم تكون صادمة) وسيندم حتما لو فعل

يعني دور الكلينكس في الحياة أقرب الى لعنة لاتترك المرء ...لكن .. ربما خير للمرء ان يكون كلينكسا في زمرة المناديل عن أن يكون انفا دامية وعينا باكية قد يسأمها الجميع , ربما تكون قسوة الاّخرين هي مايجعل المرء يحجم عن الشكوى فلايطمع في رحابة صدر طالما جاد بها على الجميع

أم هل تعتبرين كلامي متشائما؟

بعدك على بالى said...

اشعر بعجز اللغة فى ترجمة ما أشعر به من إمتنان وحب لدعمك لى فى أقصى لحظات مرت على .. أحبكم واتمنى أن تظلوا الى جوارى دائماااااااااااا

مـحـمـد مـفـيـد said...

كم انتي رائعه
وعمنا سيد حجاب كمان

Anonymous said...
This comment has been removed by a blog administrator.
Anonymous said...
This comment has been removed by a blog administrator.